Sumer Is Icumen In

Transcribed from "Sumer is Icumen In, London, British Library, MS Harley 978, f. 11v".

Sumer is icumen in
Lhude sing cuccu!
Groweþ sed and bloweþ med
And springþ þe wude nu.
Sing cuccu!

Awe bleteþ after lomb
Lhouth after calve cu.
Bulluc sterteþ, bucke ferteþ
Murie sing, cuccu!
Cuccu, cuccu,
Wel singes þu, cuccu.
Ne swik þu naver nu!

Sing cuccu nu, sing cuccu!
Sing cuccu nu, sing cuccu!